Enter the EEEPC 1000HE, еден од поновите нетбуци на Asus кој наводно издржува и до 9,5 часови без да го уштекате во струја. Инаку, како и кај сите нетбуци, конфигурацијата стандардна – Intel Atom процесор, 1 гига рам и сл… Овој нетбук користи ralink2860 wireless чипсет што е добро и лошо

Да почнам од почеток…

Asus, како еден од поголемите промотори на Windows на нетбуци (а можеби и воопшто), се погрижи приказната со овој оперативен систем бргу да заврши. Производителот нуди и Gnu/Linux верзии на некои од своите нетбуци, но за жал, таква верзија за овој нетбук не постои. Како мое оправдувања зошто го купив овој, а не некоја линукс варијанта, си ги земам долготрајната батерија и испакнатите копчиња на тастатура, кои ќе им олеснат на моите подебелички прсти да пишуваат без многу мака.

Мене Windows не ми треба, но кога веќе сум го платил бев решен да го „заспијам“ во дуалбутот, и тоа без да ја прифатам лиценцата и фактички никогаш не го активирам Windows-от.

Иако ја одбив EULA-та на Мајкрософт, кога го стартував Ubuntu-то, видов дека Asus распослале глупости низ повеќе партиции. Ако не се лажам, на 3 партиции имаше околу 13 гигабајти веќе употребени. Одеднаш, „заспивање“ на Windows стана претешко. Толку беше моето дружење… со Windows. Партициите на Asus отидоа… и на нетбукот се насели Ubuntu 9.04 Netbook Remix.

Ubuntu 9.04 NR на EEEPC 1000HE во неколку чекори:

1. го симнувате .img фајлот и го снимате на претходно испразнето usb стикче (или sd картичка), освен ако ете баш сакате да си ги изгубите податоците.

2. Проверете го интегритетот на симнатиот имиџ преку md5sum проверка. Во Gnu/Linux отприлика оди вака:
md5sum фајлот
Нормално, сумите треба да се совпаѓаат со специфичната сума на конкретниот фајл која можете да ја најдете тука.

3. Не знам за Windows, но откако ќе го симнете потребно е да го запишете имиџот на usb стикот. Во Gnu/Linux најбргу си ја завршувате работата со:
dd if=патека до фајлот of=уред (најчесто /dev/sd(x))
За снимање повеќе инфо тука.

4. При бутирање, изберете го стикчето да бутира прво. Така ќе се покрене Ubuntu-то и понатаму е лесно

Отприлика, сите работи функционираат од почеток, па и bluetooth-от. Единствен видлив проблем беше нефункционалноста на wireless уредот, односно неможноста да се поврзе на мрежа. Проблемот е уредно документиран на интернет, а јас најбргу го решив проблемот инсталирајќи претходна верзија на драјверот, практично заменувајќи ја онаа која доаѓа по дифолт со 9.04.

Јас прибрав debian пакет од:

http://www.array.org/ubuntu/dists/intrepid/eeepc/binary-i386/rt2860-dkms_1.7.1.1_all.deb

Го „избришав“ новиот баговит драјвер:

cd /lib/modules/2.6.28-11-generic/kernel/drivers/staging/rt2860/

sudo mv rt2860sta.ko rt2860sta.bak

И го инсталирав новиот драјвер. За оние што почнуваат во Ubuntu – само кликнете на фајлот, понатаму ќе сфатите што сакате да правите.

Сега системот е „скоро“ среден. Останува да го стишам уште малку, дискот е побучен од оној на Thinkpad-от и тука неможам ништо да направам, но постојат скрипти кои добро менаџираат со функционалноста на хардверот. Дополнително, овој нетбук има мултитач тачпед кој не работи по дифолт со графичкиот сервер во Gnu/Linux и потребно е дополнително да се подеси.

За добро, немам што уште да додадам – хардверот кај сите нетбуци е скоро ист, а конструкцијата на овој нетбук делува цврсто.

Тоа што е лошо е што нема трекпоинт, а јас како неколкугодишен корисник на таа направа, осеќам дека ќе имам проблеми да се привикнам на тачпед, кој е инфериорна направа за покажување и според брзина и според ергономија.

Десниот shift е премал, и веројатно секому ќе треба подолго време да се привикне.

Сеуште е рано да се каже колку овој нетбук може да биде добра екстензија на просечен гик… Читајте ми ги твитовите – ако се жалам, не го купувајте

Инет АД донираше 5000 Fedora Linux дискови на „Слободен софтвер Македонија“. Ако се земе предвид дека Windows XP чини 100$ а Microsoft Office 400$ тогаш, може да се претпостави дека цената на еден диск кој содржи оперативен систем и канцелариски пакет би чинел 500$. Бидејќи Fedora Linux содржи GNU/Linux оперативен систем, а истовремено содржи и OpenOffice.org пакет за канцелариска продуктивност, тогаш можеме да претпоставиме дека доколку вредноста на XP+MsOffice е навистина 500$, тогаш вредноста на Fedora Linux е најмалку исто толку, иако Fedora-та содржи многу повеќе од тоа.

Нормално, нашата намера не е да продаваме, туку да ги искористиме за да промовираме слободен софтвер преку донирање на овие дискови на различни организации и индивидуи. Како и да е, еве некоја перспектива колку 2.500.000$ изнесуваат. Со таа цифра може да се купи:

1. 23.363 Linksys WRT54GL безжични рутери со линукс
2. 68 Opel Vivaro комби возила за гикови
3. 1827 Lenovo X61s лаптопи за хакерот во сите нас
4. 6250 Asus EEEPC компактни 7 инчни лаптопи за да ви обрнуваат внимание на не-гиковски места
5. 250.000 8-битни кравати за да ја ширите гиковштината и во јапи светот
6. 14.705 бинарни рачни часовници за да само вие знаете колку е часот.

Нормално – вредноста од 500$ е претпоставена вредност. Ова е само интересен пример и весела математика за тоа колку навистина може да се заштеди само ако не се набават Мајкрософт производите. Дури и понатаму, користејќи слободен софтвер заштедувате на многу скриени трошоци кои ги носат неслободните софтверски пакети.

Општествените користи се уште поголеми, можејќи за релативно малку пари да донирате толку многу софтвер, кој е квалитетен, лесно се шири понатаму и никој не е крив ако го ископира или позајми дивидито за да му помогне на својот пријател.

Утре, на 15ти септември е „Ден на слободен софтвер“, па затоа, 2с.мк ќе организира настани во текот на целиот ден за да ја одбележи пригодата. За таа цел, ќе се делат дискови со слободен софтвер а заедницата на корисници се стави на располагање и ќе им овозможи на посетителите краток вовед во интересната страна од живеењето со слободниот софтвер.

Значи, во текот на денот, 2с.мк ќе го презентира слободниот софтвер од 11 до 18 часот во Магор и културниот центар Точка. Навечер, 20ч во Мала Станица ќе се проектира Good Copy Bad Copy – интересен филм за копирањето и табуата околу тоа. Можете да видите повеќе за тоа тука.

П.С Баш ми е жал што луѓето во Метаморфозис, во својата мисија да го промовираат слободниот софтвер или интернет животот во Македонија, не го следат Кајмак.от и блогосферата која пишува за технологијата и слободниот софтвер, за да знаат дека и во Македонија ќе има настани посветени на „Денот на слободниот софтвер“.

Случајно, додека читав на Вест за сторијата, ја забележав Gnome десктоп околината на екранот на компјутерот, а по кратка консултација, моите сомнежи беа потврдени – Убунту чучи на компјутерите. Еве и слика…

Убаво што во Владата сфатиле дека информатичкиот развој оди рака под рака со слободниот софтвер.

Прашањето е: дали GNU GPL лиценцата и дел од Криејтив комонс лиценците се анти-капиталистички?

Овој муабет периодично јас и Дамјан го водиме веќе неколку години… ова е последниот апдејт:

[14:53:43] <Дамјан> ако си анти-капиталист користи NC

[14:54:38] не е баш тоа така
[14:54:53] имаше на неттајм една таква дискусија
[14:55:10] јас би рекол дека SA e повеќе антикапиталистичка

[14:55:25] <Дамјан> не се слагам

[14:55:40] <Дамјан> GPL е SA и си е перфектно капиталистичка

[14:55:54] ор соу ју тинк

[14:55:58] <Дамјан> – во насока на осигурување на слободен пазар

[14:56:08] <Дамјан> – и во насока на давам – даваш

[14:56:11] слободен пазар не е еднакво на капитализам
[14:56:50] слободен пазар е место каде понудата и побарувачката се сретнуваат без „видливата“ рака на „пазарот“

[14:56:56] <Дамјан> не е… ок…тогаш … SA/GPL обезбедува функционирање на капитализам

[14:57:18] тоа е поточен став
[14:58:31] меѓутоа SA/GPL можат да функционираат и во комунизам и во анархија
[14:58:39] т.е тоа е едно исто

[14:59:02] <Дамјан> не знам… во комунизам има копирајт?

[14:59:15] <Дамјан> или во анархија ??

[15:00:09] анархија = комунизам
[15:00:26] зависи само дали носиш црно или црвено знаме
[15:00:41] во комунизам нема сопственост

[15:01:07] <Дамјан> копирајт не е сопственост енивеј

[15:01:26] <Дамјан> никогаш не бил

[15:03:04] епа… авторството постоело
[15:03:11] и ќе постои

[15:03:35] <Дамјан> нарочно реков копирајт == законски режим

[15:03:40] иако се промовирал непознатиот автор повеќе
[15:03:53] па сеа
[15:04:03] во режимите кои постоеле
[15:04:15] постоел законскиот режим
[15:05:17] дали во замислите за комунизам постои копирајт – тоа не знам
[15:05:27] веројатно авторот како таков би бил признаен
[15:05:34] сопственоста – не

[15:07:04] <Дамјан> therefore GPL/SA не функционираат … бидејќи не се потребни

[15:07:54] затоа што нивниот дух е преточен во практиките на тие замислени режими
[15:08:22] ај…
[15:08:50] пак нема да се согласуваме пошто ти ми глумиш сеа некој конзервативец капиталиста
[15:08:59] а уствари си комуњар у душа
[15:09:03]

[15:10:19] <Дамјан> можеби сум комуњар у душа … ама мислам дека тие идеали само може да се воспостават во капиталистички систем

[15:10:36] <Дамјан> со тоа што денес системот не е таков, баш

[15:10:48] <Дамјан> повеќе е корпоративистички

[15:11:08] сум дискутирал на темава и со други луѓе
[15:11:40] левичарската критика на кк/гпл е дека помагаат на капитализмот учествувајќи во него

[15:12:01] <Дамјан> ха … шупци

[15:12:11] добро де
[15:12:15] не со тие зборови
[15:12:21] како што ти објасни
[15:12:35] [14:56:56] <Дамјан> не е… ок…тогаш … SA/GPL обезбедува функционирање на капитализам
[15:13:06] е ова е нивниот став
[15:13:18] јас не се спротивставувам на тоа, пошто е евидентно
[15:13:51] пр. Сан си најде нов бизнис модел и сеа ќе ја користи заедницата за да со нејзина помош ги развива своите продукти
[15:13:59] симплифицирано кажано

[15:14:22] <Дамјан> знаеш што е проблемот

[15:14:43] ајде?

[15:14:58] <Дамјан> in theory there’s no difference between theory and practice .. but in practice there is

[15:15:26] <Дамјан> левичарите кои ти ги спомна не мислат дека еден капиталистичи систем може да биде фер

[15:15:49] и јас сум таков

[15:15:53] <Дамјан> само за тоа што е така направен

[15:16:12] <Дамјан> ја мислам дека може … само треба да му се скршат забите

[15:16:29] 200 години никој не му ги сршил забите
[15:16:45] а претходно никој не му ги скршил забите на феудализмот

[15:16:51] <Дамјан> не е баш доволно тоа

[15:16:52] туку го сменил со капитализам
[15:17:08] претходно феудализмот го сменил робовладетелството
[15:17:23] а не е дека некој му ги скршил забите на робовладетелството
[15:17:36] историски детерминизам.. тејк ит ор лив ит

[15:17:41] <Дамјан> не знам … мислам дека денес имаме предуслови да направиме фер капитализам

[15:18:05] <Дамјан> … јес да на крај пак ќе зависи од луѓето … без кои никаков *систем* нема да ти успее енивеј

[15:18:21] тоа е така
[15:18:44] тоа е и проблемот со револуцијата… човековата спремност или неспремност да направи разлика
[15:19:06] како и да е…
[15:23:03] тоа што цело време сакам да го кажам е дека не-капиталистичкото во гпл е оставањето на софтверот во „сопственост“ на заедницата (корисниците).

доколку утре има револуција… мајкрософт (на пр.) не треба да се грижат дека некој ќе треба да ги национализира нивните средства за производство (и рекурзивно нивните продукти) пошто веќе заедницата/народот има свои средства (гну, линукс… ) …
[15:24:16] може да го објавам логов од четот?

[15:24:36] <Дамјан> може … јес да ќе треба да го средиш некако

После 18 месеци јавна дебата, за време на која имаше големи спротивставувања произлезе финалната верзија, која Фондацијата Слободен Софтвер се надева дека бргу ќе биде присвоена од развивачите на слободен софтвер и заедницата.

Контроверзата која ја проследува оваа трета верзија е отвореното соочување на ФСС со производителите кои користат слободен софтвер во направи кои ја ограничуваат слободата на корисниците – како на пример ТиВо-то. На едната страна стоеше ФСС која во своите предлог нацрти на лиценцата ја ограничуваше употребата на слободен софтвер за такви цели. Наспроти овој, во етиката заснован став, стојат прагматичните страни во светот на слободниот софтвер, меѓу кои и Линус Торвалдс, кој неретко аргументираше како не постојат ниту правни ниту етички проблеми со користењето на слободен софтвер на таков начин и дека проблемите се некаде на друго место.

Како и да е, духовите полека стивнуваат. Ќе видиме како новите клаузули на верзија 3 ќе влијаат во успехот кој слободниот софтвер го имаше во комерцијалниот свет?