Дарт Вејдер, со партиска книшка на една македонска политичка партија, но и имател на империјално државјанство и пасош, е незадоволен со начинот на кој неговиот лик и дело е третирано во македонската енциклопедија.

Според извори блиски на „Швечер“ Дарт, или Ане за пријателите, е лут затоа што не му бил посветен ниту еден ред во текстот и покрај тоа што тој цело време ги застапувал македонските интереси пред Императорот, и покрај противењето на Џорџ Лукас (по извод од матични Јоргос Лукос).

Во своето писмо до МАНУ, тој додава и дека е загрижен поради изоставањето на Евоксите, како докажана антимакедонска структура. Имено, тие цело време ги затнуваат тушевите, поради тоа што не ги чистат влакната после туширање.

МАНУ се извини за ова и мешана македонско-империјална комисија во академско-ситовски состав ќе работи на исправање на грешките.