КиберКотле ексклузивно дознава… Владата од идната година ќе ги почасти своите граѓани со ново министерство за семејство и родостопанство.
Истовремено, Владата најави дека данокот за живеење вон брачна заедница нема да важи на целата територија на Републиката туку ќе бидат изградени посебни логори каде тие луѓе ќе можат да живеат без да го плаќаат тој данок. Ресорните министерства се задолжени да ги најдат најдобрите локации а Православната црква најави инвестиција во тие туристички капацитети. Во меѓувреме, кафулињата и рестораните ќе мораат да обезбедат посебен простор за овие луѓе.
Како дополнување на поттикнувањето на семејните вредности, преку стимулација на многудетни семејства и оданочување на расипничкото живеење вон брачна заедница, неофицијално се дознава дека Владата ќе наметне и акциза на контрацептивни средства, па меѓу другото, од први јануари едно пакетче кондоми ќе чини 1000 денари од кои 900 денари ќе одат во буџетот.
Експертите се поделени. Од катедрата за биологија на Теолошкиот факултет изјавија дека контрацептивните средства се дело на ѓаволот и дека не постои такво нешто како непосакувана бременост. Не заборавија да не потсетат дека нема постари фосили од 5000 години.
Увозниците на контрацептивни средства се затекнати но сеуште сметаат дека цената од 1000 денари е во рамките на финансиските можности на граѓаните.
Гласините од улицата велат дека федерацијата на локални шверцери веќе организирала семинар за најдобри искуства и практики во шверцот на кондоми и други средства. Нивниот гласноговорник, кој сакаше да остане анонимен, најави рамковна цена од 500 денари по пакетче.
„Независната лига за слободен секс“ веќе најави протести пред Владата а невладината организација М-ОРАЛ ќе држи курсеви за орален секс и друга граѓанска непослушност за што веќе обезбедиле мебел за различни сценарија и миризливи стапчиња.
Tagged: stupidity
No Trackbacks
You can leave a trackback using this URL: http://kiberkotle.net/2008/12/%d0%bd%d0%be%d0%b2%d0%b0-%d0%b3%d0%be%d0%b4%d0%b8%d0%bd%d0%b0-%d0%bd%d0%be%d0%b2%d0%b8-%d0%bf%d0%be%d0%bb%d0%b8%d1%82%d0%b8%d0%ba%d0%b8-%d0%bd%d0%b0-%d0%b2%d0%bb%d0%b0%d0%b4%d0%b0%d1%82%d0%b0/trackback
2 Comments
Vladava e ulava. E aj, neka im najde prvo zeni/mazi na tie so ne se u bracna zaednica, pa od koga ke im najde ako ne sakaat da stapat u brak neka im zema po 1000 denari. Moze ima nekoj sto sakaat da stapat u brak, ama ne se sposobni da najdat srodna dusa. Koga vladata ke im go ovozmzi toa, togas neka naplakja danoci i sl.
Smrdena vlada. I SDSM bea nesaalam vlada, ama barem ne bea smesni kako ovi klovnovive od VMRO. Cela drzava ja sredija pa uste ova ostana. Ami neka sredat prvo lugeto da rabotat, da im ovozmozat rabota, dobri plati, posle samite ke sakaat da se mazat/zenat. Kaj moze nekoj nevraboten ( a takvi gi ima mnogu), da stapi u brak i da gleda familija, sto mislam deka e glavna pricina zosto mladite ne stapuvaat u brak. I sega ovaa mocana vlada ne go resava toj problem na nacin kako sto treba, ovozmozuvajki novi vrabotuvanja so dobri palti, tuku izmisluva Solomovnovi resenija.
Katastrofa.
а зашто миризливи стапчиња??