филм: Врзан
Вчера на Youtube се појави „Врзан“ - колку јас знам првиот македонски филм кој користи слободна лиценца. Ај нека се множат. 
„Врзан“ е напишан и режиран од Горјан Милошевски, го снимаа Маја Јакимовска и Кирил Шентевски а го монтираше Тања Фиш. Опремата ја позајмија Cre8ive8 и Британскиот Совет. За глумците ќе си видите во каст листата на крајот на филмот.
„Врзан“ е обид да се раскаже приказна за една дилема на еден млад човек. Нема да опишувам понатаму, нити критикувам… сум учествувал во правењето - тоа не е моја работа туку на публиката.
Фактот дека е дело со слободна лиценца мене ми е исто драг. Тоа значи дека било каква копија од филмот не е акт на пиратство, туку акт на една здрава култура на споделување. Постојат и други слободи кои можете да ги прочитате во текстот на лиценцата.
И пиратството е здрава култура на споделување. Само што е нелегална а.
Точно. Пиратството е здрава култура. Токму тоа е поентата…
… слободната лиценца покажува дека нема ништо лошо во копирање.
Тоа сакав да кажам
Хех, супер е филмчето. Само имам еден предлог, да се отвори макар и посебен блог или нешто поинформативно и од каде што ќе може да се симне филмот во подобра резолуција (го симнав преку GenTube од Youtube ама не е баш добар квалитет така). Сајтот би се нашол и за (се надевам) идни изданија на тимот.
Значи ти си статист и асистент на режија
Супер.
Ме потсети кога бев асистент на режија на „Грев или Шприцер“ во еден аматерска средношколски состав (се викавме Ленаеа, рофл)…додуша не правев ништо освен што се смеев и сметав на режисерката.
ок како и да е, нека се множат ваквите дела, нека се пример за други млади автори
хм… па сподели.орг треба да биде таков сајт.
Нека се множат! Само тој што пишуваше има една многу битна работа да каже. Иницијативата и реализацијата на идејата за да се користи музика со слободна лиценца е дело на „асистентот“ кој беше и повеќе од тоа. Режираше, глумеше, истече очи пред монитор за да ја проучи лиценцата, избра групи, оптерети 96 МБ на youtube и ни купи вечера на најпорниот ден на снимање(комбинирани, добро замрсени со кечап, мајонез и помфрит!). Danke Миша!
uhh..momci..Ajde, neka bide “prviot”, iako ne se soglasuvam so toa. Site Kratkometržni amaterski filmčinja koi se do sega napraveni, jas gi smetam za Free Licensed..neznam kakvo e vašeto svakanje na istata problematika, no ..
Za temata..dilemata lesno se rašava.. “Free lancer” .. e jes da treba da se ubieš od rabotra za da nabildaš dobro portfolio, pa ušte tolku za da ja održiš reputacijata za da te vikaat ponatamu ..
Za filmčeto ..prosečna kamera. prosečna montaža…ušte pološa gluma.. izminative 5 dena, tinejđeri, sekako so naša mentorska pomoš, snimija podobri 1no minutni filmčinja..
Linkot od filmčinjata naskoro ke vi bide poznat;)
Kako i da e..neka se množat filmčinjata vo Mk .. no bez lažni pretenziii..molam..
pozzz..
Interesno filmche… a kolku chini pozajmuvanjeto na opremata? Dali imavte nekoj sponzor? Daj pishi mi na e-mail me interesira. makssmart@yahoo.com
@ Unknown
1. Според законите на Република Македонија секое авторско дело по автоматизам е заштитено со Законот за заштита на авторски и сродни права. Значи, доколку авторот изрично не покаже, користејќи специфична лиценца, дека на корисниците им отстапува определен збир на слободи и употреба на авторското дело, тогаш за делото важи „целосен копирајт“ и делото не е слободно за употреба - законски. Тоа што сакам да кажам е дека доколку авторите сакаат да дозволат широк спектар на слободна употреба на нивните дела, тоа мора јасно да го назначат.
2. Нормално дека може подобро. Мојата намера не беше да покажам дека филмов е „најдобриот филм направен“.
3. За какви лажни претензии зборуваш?
@ Maria
За изнајмувањето на опремата ќе треба да се обратиш во Британскиот совет. Тие знаат најдобро. Јас ни тогаш немав доволно информации за тоа бидејќи режисерот се погрижи за добивање на опремата.
Што се однесува до финансирањето - немаше спонзори и филмот беше направен благодарение на тоа што луѓето што работеа го правеа тоа од ентузијазам а самите ги покривме материјалните трошоци на снимање.
Од тоа што јас го сфаќам - денес не е воопшто скапо да снимиш добар краткометражен филм се додека имаш било каков компјутер, дигитален апарат или камера, добра екипа и добра идеја.
Чекај малку… Site Kratkometržni amaterski filmčinja koi se do sega napraveni, jas gi smetam za Free Licensed… Не знам како го разбираш тоа? Секој втор се тепа да стави трака од омилен бенд, а никој не гледа на авторските права. Ок, има дечки што не работат така и ставаат своја музика или соработуваат со наши бендови. Можеби на авторот е неблагодарно да се суди која музика смета дека ќе може да ја залепи на сликите што ги вади од глава на филм ама така е најлесно. Ние немавме намера да го пуштиме на фестивал туку на еден филмски форум. А многу дечки грешат кога ќе стават песни од актуелни бендови зошто може да имаат добра приказна ама со таков избор на музика без авторски права едноставно не можат да поминат на ниеден фестивал надвор од земјава. Сепак треба да се мисли на многу работи.
За филмот немаме никакви претензии да го промовираме како не знам каков. Има еден куп фактори кога работиш со 0 буџет. Од локации до опрема, па време на снимање итн.
Ова е еден посериозен обид за да се претстави еден концепт дека луѓето денес тешко можат да се земат здив особено кога не се на работа. Затоа што е нешто што ги врзува за долг период, за некоја монотонија што ги јаде долго време ама зависат од неа. Не е филм против работата туку против тоа како е работата поставена во еден систем кој многу луѓе ги гуши ама го трпат затоа што немаат избор. Значи каде и да живееш и што и да работиш изложен си на истиот систем. Терај и „freelancer“(се пишува слеано) ако сакаш, исто ти е.
Ајде па чекаме на линкот! Само без претензии за смислување претензии, ако може. Ние сме отворени за соработка. Само тоа ни е спас! Знам дека се разбираме за ова. Поздрав!
@ Hibizla
Не избрзувај… можеби авторските права за употреба на познати имиња на звучната трака ги подмируваат. Тоа не знаеш. Можеби користат аудио секции во рамките на „фер употреба“.
Дури и да не ја користат таа музика легално - јас немам ништо против.
Тоа што е потребно е општа едукација на авторите за концептот на авторските права за да знаат што по автоматизам може публиката да прави со нивните дела, а што би сакале дополнително да дозволат да може да се направи. Тука спаѓа и познавање за тоа што смеат и не смеат да прават со туѓи дела, но тоа што е поважно е градењето став за споделување на своето дело со другите. А бидејќи зборуваме за правни норми, можеби е досадно, но последиците се далекусежни.
Не, не… Вака, не знам дали може така лесно да се каже сите краткометражни филмови дека се „free licensed“. Ставот кој се гради со слободната лиценца отвора нов пат. Го намирасав ова што си го пишал. Требаше да допишам ама не сакав да развлекувам. Авторските права се глупава пречка токму поради тоа што и претходно го кажав. Не е благодарно и не е уметност да се мешаш во нечиј концепт, слика или текст што излегува од глава. Затоа слободната лиценца отскрива излез од таа ситуација. И нормално дека не е тоа единствената придобивка. И јасно дека на тоа се надоврзува една отворена споделба на идеи.
Сепак стојат тие права, а сум гледал еден куп филмови во кои не е запазена или да речеме дека аудио секциите или секвенците залетале преку дозволената граница. И не можам туку така да кажам дека сите кратки филмови кај нас ги почитуваат авторските права, а уште помалку дека се „free licensed“. Се надевам дека слободната лиценца ќе ослободи што повеќе творци. Арно ама сега за сега треба и да ги почитуваме и делата на оние кои ги почитувале авторските права. Не е лесно да се правиш слеп и да не го вреднуваш тој труд. Згора на тоа многу од нив, во таква ситуација и сами творат или промовираат анонимни групи. Така не ретко се раѓаат многу креативни решенија и добри групи.
..haha.. kakva diskusija..od mala kritika, i moe “obvinuvanje” za “pretenzijata” da se narečete PRVI VO MK, vie stignavte do Avtorski Prava.. haha.. a da si sednete an kafe?
Momci, oladete, ustvari, ubavo e ako veke se razbirate barem vo taa problematika, da pročitaat i drugite za istata
Linkot, ke stigne se nadevam denovive..t.e. se nadevam deka ke bideme izvesteni, ako ne, eve vi sajt kade treba da bbidat postaveni: http://www.theoneminutesjr.org/
Pozdrav i prodolzete so rabotata što dobro ja znaete ..
ej..go nema mojot vtor post..CENZURA?!
Mislam deka nemaše ništo navredlivo ili slično na istoto ..
Da ne vi beše šube ako i drugi vidat deka e mn lesno da se napravi 1no min free license filmče, i toa tinejdzeri ..
Kako i da e, eve vi go linkot od sajtot koj vi go spomnav vo prviot (seušte prisuten post-komentar)
http://www.theoneminutesjr.org/
одличен филм, браво… !!!
@ Unknown
Нема место за цензура на мојот блог. Не избрзувај со заклучоци. Ги модерирам коментарите со линкови и адреси од интернет како заштита од спам пораки кои лесно се закачуваат. Бидејќи си ставил линкови апликацијата за блогирање ги задржала твоите коментари за модерирање а јас не сум ги видел се додека не се вратив од одмор.
Што се однесува до дискусијата за авторски права, тоа беше и идејата позади изворниот пост. Филмот си имаше своја промоција на друго место, неодамна беше качен и на интернет (Youtube) а лично го искористив мојот блог за да го промовирам како, според мене „првиот филм со слободна лиценца“.
Во мојот одговор на твојот прв коментар ја прифатив твојата критика. Отсекогаш сум ја прифаќал критиката - посебно за авторскиот дел од мојата работа. Иако, морам да напоменам дека филмот и не е мое авторско дело. Тоа што друг коментатор на овој пост беше повеќе дефанзивен кон филмот не сметам дека заслужило да употребуваш множина.
Дискусијата за авторски права е централна во постов па не е чудо што сакам да делувам едукативно, затоа што постои разлика помеѓу желбата авторските дела да бидат „ослободени“, како што ти ги доживуваш аматерските филмови и реалната правна ситуација во која тие фактички се „ослободени“. Оттука, жал ми е што мислиш дека сум ја утнал темата. За разлика од тебе, уште еден автор, кој ми се јави дека неговиот филм бил прв затоа што немал воопшто никаква лиценца беше далеку поотворен и ги ислуша советите и објаснувањата (кои ги наведов во мојот прв коментар како одговор на твојот) за тоа како треба да се лиценцира слободен филм.
А што се однесува до тоа што се насетува од твоите коментари - идејата дека некој е подобар од луѓето кои учествувале во правењето на филмот „Врзан“ - можам да ти кажам дека си во право. Ние веројатно не сме толку добри, а низа тинејџери можат да направат подобри филмови од нас. За мене тоа никогаш не било спорно. Дури, веќе постои и ремикс на „Врзан“ за кој можам да кажам и дека ми се допаѓа повеќе од оригиналот (види: http://lunch.blog.com.mk/node/102497). Но зошто мислиш дека е важно уметноста да ја разбираме како натпревар. Јас воопшто немам проблем некој да биде подобар од мене.
Како и да е, „Врзан“ е на интернет и тоа под слободна лиценца. Ракавицата е фрлена на сите оние кои сакаат да ги објават своите дела под слободни лиценци и да ги стават своите филмови лесно достапни на интернет.